Farg‘onada mast fuqarolar do‘konni vayron qilishdi
Hozirda ularga nisbatan jinoiy ish ochilgan.
18 avgust kuni fuqarolar Sh.R. va M.P.lar mast holda Farg‘ona shahridagi “Oziq-ovqat” do‘koniga kirib, sotuvchi bilan kelishmovchilik sababli uni uyatli so‘zlar bilan haqorat qilishgan.
Do‘konga xaridor sifatida kirgan X.I. va uning turmush o‘rtog‘i S.I.lar jamoat joyida so‘kinib, shovqin qilmaslik kerakligini aytishganda, Sh.R. va M.P.lar X.I. hamda S.I.larning badanini turli joylariga urishib, tan jarohati yetkazishgan.
Bundan tashqari, ular o‘zlarining tartibsizliklarini davom ettirib, do‘kondagi oziq-ovqat mahsulotlarga zarar yetkazishgan.
Mazkur holat yuzasidan Farg‘ona shahar IIO FMB tomonidan jinoyat kodeksining 277-moddasi 2-qismi “b” bandi bilan jinoyat ishi qo‘zg‘atilib, gumonlanuvchilar qamoqqa olingan. Hozirda dastlabki tergov harakatlari olib borilmoqda.
