Tarbiyachining beparvoligi sabab bog‘cha bolasining qo‘li sindi
U aktrisa Shahzoda Muhammedovaning qizi bo‘lgan.
Aktrisa va dizayner Shahzoda Muhammedovaning qizi Milena bog‘cha tarbiyachilarining beparvoligi sababli qo‘li sindirib, jarohat olgan. Bu haqida Shahzoda Muhammedova o‘zining Instagram sahifasida maʼlum qildi.
Maʼlum qilinishicha, voqea joriy yilning 20 avgust kuni Toshkent shahridagi xususiy bog‘chalardan birida sodir bo‘lgan. Muhammedova o‘z sahifasiga joylagan videoda xonada bolalar qarovsiz qoldirilgani va ikki bola to‘qnashib ketib, oqibatda aktrisaning qizi yiqilib, qo‘lini sindirib olgani tasvirlangan. Xodim esa ish vaqtida qo‘lida telefon bilan xonaga kirib kelgan. Milena yig‘lasa, ham yerda yotsa ham unga beparvo bo‘lgan.
“Xodimlar ish vaqtida qo‘lida telefon bilan yurishini va bolalarni xonada xoli qoldirishini, yig‘lasa ham yoniga kelmasligini, yerda bola yig‘lab yotsa borib hech yo‘q turgazib qo‘ymasligini endi ko‘rishim. Sizlar tufayli bolam 4 oy gipsda yuradi. Hozirgi holati juda asabiy…”, – deydi aktrisa.
