Surxondaryoda noqonuniy diniy saboq berib kelgan shaxs qamaldi
Boysun tumanida noqonuniy diniy faoliyatga chek qo‘yildi.
Qayd etilishicha, Boysun tumanida noqonuniy diniy saboq berish bilan shug‘ullanuvchi shaxs faoliyati aniqlangan. 1989 yilda tug‘ilgan, maʼlumoti o‘rta bo‘lgan shaxs oyiga 500 ming so‘mdan bir million so‘mgacha bo‘lgan miqdorda uyida 11 nafar Voyaga yetmagan bolaga hujra sharoitida turli diniy adabiyotlardan foydalanib, noqonuniy diniy saboq berib kelgan.
Holat yuzasidan ayblanuvchiga nisbatan Maʼmuriy javobgarlik to‘g‘risidagi kodeksning 241-moddasi tartibida hujjatlar rasmiylashtirilib, 10 sutka qamoq jazosi qo‘llanildi.
