“Open budjet” uchun ovoz berishga majburlash holatlari uchramoqda
Bu kabi holatlar ko‘proq maktablarda kuzatilmoqda.
Iqtisodiyot va moliya vazirligi “Tashabbusli byudjet”ning 2024 yilgi 2-mavsumida ovoz yig‘ishga majburlash holatlari yuzasidan kelib tushgan murojaatlar statistikasini eʼlon qildi.
Maʼlum qilinishicha, ovoz berish bosqichi davomida fuqarolar tomonidan bugungi kunga qadar 1282 ishonch raqamiga ovoz yig‘ishga majburlash holatlari bo‘yicha jami 39 ta shikoyat kelib tushdi.
Bunda, eng ko‘p murojaat kelib tushgan hududlar:
- Farg‘ona viloyatida — 7 ta;
- Toshkent shahrida — 6 ta;
- Namangan va Jizzax viloyatlarida — 5 tadan.
Sohalar kesimida:
- umumtaʼlim maktablari bo‘yicha — 19 ta;
- tibbiyot tashkilotlari bo‘yicha — 16 tani tashkil etgan.
Eslatib o‘tamiz, kelib tushgan barcha murojaatlar ko‘rib chiqish uchun tegishli tuman (shahar) Xalq deputatlari Kengashlariga yuboriladi hamda holat o‘z tasdig‘ini topsa, mazkur loyihalar ovoz berish bosqichidan chetlatiladi yoki g‘oliblar ro‘yxatidan chiqarilishi mumkin.
