O‘zbekistondagi ko‘p qavatli uylar soni ochiqlandi
Ularning 92 foiziga boshqaruv tashkilotlari tomonidan xizmat ko‘rsatilmoqda.
Respublikada ko‘p qavatli uylar soni qariyb 42 mingga yetgan bo‘lib, ularning 92 foiziga 821 dan ortiq boshqaruv tashkilotlari tomonidan xizmat ko‘rsatilmoqda.
Maʼlum bo‘lishicha, 2024 yil davomida respublikadagi boshqaruv tashkilotlarining qariyb 60 mlrd so‘m mablag‘lari hisobidan 2 888 ta ko‘p kvartirali uyni taʼmirlash bo‘yicha manzilli dastur tasdiqlangan hamda uning doirasida 2 283 ta ko‘p kartirali uylarda taʼmirlash ishlari yakunlangan.
Shundan 934 ta uyning tom qismida mukammal va joriy, 1 246 ta kirish yo‘laklarida, 1085 ta uyning yerto‘la va uy ichki muhandislik-kommunikatsiyalarida taʼmirlash ishlari olib borilgan.
Kirish yo‘laklariga 270 ta kodli temir eshiklar o‘rnatilgan va 4 851 ta energiya tejamkor sensorli lampalar o‘rnatilgan. Bundan tashqari, 54 mingdan ortiq elektr taqsimlovchi shitlar joriy va mukammal taʼmirlangan.
