Abituriyentlarning shaxsiy maʼlumotlari “pullanyaptimi?”
Ijtimoiy tarmoqda tarqalgan xabarlarga izoh berildi.
So‘nggi vaqtlarda ko‘pchilikka nodavlat oliy taʼlim tashkilotlari tomonidan o‘qishga taklif qilish bo‘yicha turli SMS-xabarlar yuborilmoqda. Bu holat nafaqat joriy yilda, balki o‘tgan yillarda ham kuzatilgan.
Bilim va malakalarni baholash agentligining maʼlum qilishicha, ushbu xabarlar faqat abituriyentlarga emas, barchaga, jumladan, Agentlik xodimlariga ham kelmoqda.
Qayd etilishchicha, agentlik fuqarolarning roziligisiz uchinchi shaxslarga ular to‘g‘risidagi maʼlumotlarni taqdim etmaydi (Oliy taʼlim, fan va innovatsiyalar vazirligi hamda OTMlariga talabalikka tavsiya etilgan abituriyentlar to‘g‘risidagi maʼlumotlar bundan mustasno).
Agentlikning axborot tizimlarida axborot xavfsizligi taʼminlangan bo‘lib, ularga hech qanday kiberhujum uyushtirilmagan va uchinchi shaxslar tomonidan abituriyentlarning maʼlumotlari qo‘lga kiritilmagan.
