Jizzaxda sodir bo‘lgan YTHda ikki kishi halok bo‘ldi
Voqea yuzasidan viloyat IIB YHXB maʼlumot berdi.
Jizzax viloyati Sharof Rashidov tumanida sodir bo‘lgan yo‘l-transport hodisasida haydovchi va yo‘lovchi halok bo‘lgan. Viloyat IIB YHXB axborot xizmatining xabar berishicha, hodisa 2024 yil 3 sentyabr kuni sodir bo‘lgan.
Zomin-Jizzax yo‘nalishida harakatlangan Nexia mashinasi haydovchisi tezlikni meʼyordan oshirgan va quvib o‘tish qoidalarini buzib qarama-qarshi yo‘nalishga chiqqan.
Shunda, Nexia o‘z yo‘lidan harakatlanib kelayotgan Lacetti mashinasi bilan to‘qnashgan. Oqibatda? Nexia‘ning 42 yoshli haydovchisi og‘ir tan jarohatlari olib voqea joyida, uning 66 yoshli yo‘lovchisi esa shifoxonada vafot etgan.
Qayd etilishicha, hodisa yuzasidan Sharof Rashidov tumani IIB tomonidan tergovga qadar tekshiruv harakatlari olib borilmoqda.
