BMT: afg‘on ayollarining ruhiy salomatligi yomonlashmoqda
Ayollarning 64 foizi uydan yolg‘iz chiqishdan qo‘rqadi.
2024-yil aprel oyiga kelib, ayollarning deyarli 70 foizi qattiq xavotir, izolyatsiya va depressiyani boshidan kechirayotgani maʼlum bo‘ldi. 2023 yilda o‘tkazilgan so‘rov shuni ko‘rsatdiki, so‘rovnomada qatnashgan ayol va qizlarning 8 foizi o‘z joniga qasd qilishga urinib ko‘rgan.
So‘rovnoma ayni paytda Afg‘onistondagi ayollarning 64 foizi uydan yolg‘iz chiqishdan qo‘rqishini ko‘rsatgan. Bu statistik maʼlumotlar ayollarning ham jamiyatda, ham shaxsiy hayotda o‘rnini yo‘qotishi bilan bog‘liq bo‘lib, 2024 yil apreliga qadar atigi 38 foiz ayollar uy xo‘jaligi qarorlarida fikri “inobatga olinishini” aytishgan.
Tolibon Afg‘oniston hokimiyatini egallaganiga uch yildan oshdi. Birlashgan Millatlar Tashkiloti mamlakatda gender tengsizliklari chuqurlashib borayotgan afg‘on ayollari uchun sharoit yomonlashganidan xavotir bildirmoqda.
