Tadbirkorlar quyosh paneli o‘rnatishga majburlanyaptimi?
Energetika vazirligi tarqalgan xabarlarga munosabat bildirdi.
Ijtimoiy tarmoqlarda baʼzi hududlarda tadbirkorlik subyektlari quyosh panellari o‘rnatishga majburlanayotgani, bu to‘g‘risida ayrim mutasaddi tashkilotlar tomonidan tegishli ravishda rasmiy xat ham yuborilayotgani va o‘rnatmasa, elektr taʼminotidan uzib qo‘yilishi to‘g‘risida tahdid bo‘layotgani xususida shikoyatlar tarqalmoqda.
Energetika vazirligi mazkur mavzudagi mavjud shikoyatlarni o‘rganib chiqib, rasmiy munosabat bildirdi.
Qayd etilishicha, kimnidir quyosh paneli o‘rnatishga majburlash, o‘rnatilmagan taqdirda esa, uni tarmoqdan uzib qo‘yish bilan ogohlantirish masalasi hech bir qonunchilik hujjatlarida belgilanmagan.
“Bunday qilish qonunchilikka zid va Energetika vazirligi bu kabi xatti-harakatlarni mutlaqo yoqlamaydi”, deyiladi munosabatda.
