"Braziliya termasi besh karra jahon chempionlariga umuman o'xshamayapti"
Jamoa jahon chempionati saralash bosqichida muvaffaqiyatsizlikka uchradi.
Braziliya terma jamoasi 2026-yilgi jahon chempionatiga saralash bosqichidagi muvaffaqiyatsiz o'yinini davom ettirmoqda. Bu safar Dorival Junior shogirdlari Paragvayga mehmonda imkoniyatni boy berishdi (0:1). Bu Braziliyaning saralash bosqichidagi so‘nggi besh o‘yindagi to‘rtinchi mag‘lubiyatidir. Jamoa jadvalning beshinchi o'rinida bormoqda, birinchi o'rindagi jamoa bilan oradagi farq sakkiz ochkoni tashkil qilmoqda. Besh karra jahon chempionlarining navbatdagi muvaffaqiyatsizligi haqida ommaviy axborot vositalarida nimalarni yozishmoqda?
"UOL (Braziliya)
“Vinisius ajoyib futbolchi. Lekin u "Real"da shunday maqomga ega. Braziliya terma jamoasida yulduz futbolchilar borligi bilan o'zimizga taskin beramiz. Ular klublarda zo'r o'ynashadi, ammo hozircha bu futbolchilarning hech biri terma jamoada haqiqiy yetakchiga aylangani yo'q. Ko'rinishidan, futbolchilar Braziliya terma jamoasi libosini kiyishganda, qandaydir bosimga duch kelishadi. Hozir Braziliya terma jamoasi besh karra jahon chempionlariga umuman o'xshamaydi. Jamoa ijodkorliksiz o'ynaydi, hujumda tajovuzkorlik yetishmayapti. Ikki oy oldin jamoa Amerika Kubogida yomon o'yin ko'rsatdi. Bunday o'yin bilan JCh-2026 final bosqichiga yo'l olishimizga ishonchingiz komilmi ? Bunday futbolni tomosha qilish charchatadi!”
"Globo" (Braziliya)
“Jamoada to'p bor edi, lekin u bilan nima qilishni bilmasdi. Aqlli zarbalar va kombinatsiyalar yetishmadi. Tezlik, intensivlik, vertikallik - jamoa mana shu jihatlarni yo'qotib qo'ydi. Paragvay to'pni raqiblariga berdi, chunki ular himoyada o'ynashni yaxshi biladi. Jamoa saralashda bor yo'g'i uchta gol o'tkazib yubordi. Braziliya terma jamoasining bu o'yiniga izoh berish qiyin".
"TyC Sports" (Argentina)
"Braziliya yana yomon o'ynadi va o'zining eng yaxshi tomonlarini ko'rsata olmadi. Hattoki, oxir-oqibat Paragvay terma jamoasi muxlislari bir qator kulguli holatlarni yuzaga keltirdi, bu jamoa uchun kuchli zarba. Agar Braziliya jahon chempionatiga chiqmoqchi bo‘lsa, keyingi o‘yinlarda yaxshilanishi kerak”.
AS (Ispaniya)
“Braziliya tubsiz jar yoqasida. Dorival hujumda Madrid klubi futbolchilariga ishondi, lekin ular maydonda o'zini ko'rsata olmadi. Braziliya terma jamoasi Paragvay juda sodda usulda mag'lub etdi. Vinisius maydonda g'oyib bo'ldi, u faqat kamdan-kam epizodlarda ko'rinish berdi. Agar Braziliya muvaffaqiyatga erishmoqchi bo'lsa, Vini o'zining eng yaxshi o'yinini ko'rsatishi kerak".
"Marca" (Ispaniya)
"Braziliya terma jamoasi cho'kib ketmoqda va yana o'z imkoniyatlarini qiyinlashtirmoqda. Birinchi daqiqalardanoq mehmonlar noto'g'ri futbol o'ynashayotgani yaqqol ko'rindi. Paragvay maydonga aniqroq reja bilan kirib, natijaga erishdi. Mezbonlar natijani bor kuchlari bilan himoya qilishdi, raqiblar esa tezkor hujumlarni tashkil qilisholmadi”.
