Sirdaryoda homilador ayolning o‘limida aybdor bo‘lgan shifokor qamaldi
Marhuma shifoxonada 2 soat qarovsiz qolib ketgan.
Maʼlum qilinishicha, Sirdaryoda homilador ayol farzandini dunyoga keltirgandan so‘ng, uning ahvoli yomonlashgan. Shifokorlar bemorga eʼtibor qilmagan va oqibatda ayol hayotdan ko‘z yumgan.
Sud majlisida marhumaning ukasi opasining o‘limida shifokor va hamshiraning aybdorligini aytib, ularga qonuniy chora ko‘rilishini so‘radi.
Ekspertiza xulosasida, ayolning o‘limi o‘tkir qon yo‘qotish oqibatida yuzaga kelganligi, o‘z vaqtida kerakli tibbiy yordam ko‘rsatilishi va asoratlarining oldi olinishi mumkinligi ko‘rsatilgan.
Sud hukmiga ko‘ra, akusher-ginekolog JKning 116-moddasi 3 qismi bilan aybli deb topilib, unga nisbatan 2 yil muddatga muayyan huquqdan, yaʼni har qanday tibbiy muassasalarda tibbiy faoliyat bilan shug‘ullanish huquqidan mahrum etilib, 2 yil 2 oy muddatga ozodlikdan mahrum qilish jazosi tayinlandi.
