Quyi Chirchiqda bolalarga qurtlagan ovqat berilgani aytildi
Holat yuzasidan rasmiylar munosabat bildirdi.
Ijtimoy tarmoqda Toshkent viloyatining Quyi Chirchiq tumanidagi maktabgacha taʼlim muassasasida yosh bolalarga qurtlagan ovqat berilayotangani haqida xabar tarqaldi.
O‘rganishlar davomida bolalarga pishirilgan sutli (psheno) ovqat sanitar-gigiyenik tarzda tayyorlanmagani, undagi masalliqlar omborxonada yaxshi saqlanmagani va ayrim oziq-ovqatlarning markirovkasi yo‘qligi aniqlangan.
Bundan tashqari, oshxonada oshpaz maxsus formasiz ovqat tayyorlayotgani, bir kun oldingi kunlik sinamalar olinmagani ham maʼlum bo‘lgan.
Ayni paytda masʼul tashkilotlar tomonidan o‘rganish ishlari davom etmoqda.
