49 nafar ukrainalik Rossiya asirligidan qaytdi
Ular orasida otasini ko‘rishga borgan qiz ham bor.
Rossiyada asirlikda bo‘lgan 49 nafar harbiy xizmatchi va tinch aholi Ukrainaga qaytdi. Bu haqda Ukraina prezidenti Vladimir Zelenskiy o‘zining telegram-kanalida maʼlum qildi.
“Bular Ukraina Qurolli Kuchlari, Milliy gvardiya, Milliy politsiya, Davlat chegara xizmati askarlari, xususan, Leniya Umerova – kasal otasiga g‘amxo‘rlik qilish uchun borganida rossiyaliklar tomonidan garovga olingan qiz”, – deydi Zelenskiy.
Uning qo‘shimcha qilishicha, ozod etilganlar orasida “Azovstal” himoyachilari, xususan, avvalroq Ukraina Qahramoni unvoni bilan taqdirlangan harbiy shifokor Viktor Ivchuk ham bor.
2023 yil dekabr oyida 25 yoshli Leniya Umerova kasal otasini ko‘rish uchun Kiyevdan Qrimga ketayotgandi. U Gruziya bilan chegaradagi “Verxniy Lars” nazorat-o‘tkazish punktida maʼmuriy qamoqqa olingan, shu yilning may oyida esa josuslikda ayblanib, hibsga olingan edi, deya eslaydi “Meduza”. Zelenskiyning xabarida Umerova qanday sharoitda qo‘yib yuborilganiga aniqlik kiritilmagan. Rossiya sudi tomonidan unga hukm chiqarilgani haqida ham maʼlumot yo‘q.
