“Arsenal” derbidagi g‘alabani qanday qo‘lga kiritdi

 

Derbi oldidan “Arsenal” yarim himoyada jiddiy muammolarga duch keldi. Deklan Rays so'nggi turda qizil kartochka oldi va diskvalifikatsiya qilindi. Martin Odegaard Norvegiya terma jamoasi safida to'pig'idan jarohat oldi. Natijada, bir qator mutaxassislar tomonidan mazkur uchrashuv durang natija bilan yakunlanishi haqida taxminlar bildirilgandi.

 

Premyer-liganing o'tgan mavsumida "Tottenhem" o'rtacha to'pga egalik qilish bo'yicha faqat "Siti"dan keyin ikkinchi o'rinni egallagan bo'lsa, bu mavsumda Anjelos Postekoglou jamoasi bu ko'rsatkich bo'yicha peshqadamga aylandi.

 

Derbida garchi, mehmonlar qarshi hujumda o'ynashi kutilgan bo'lsada, aslida bunday bo'lib chiqmadi. Birinchi bo'limdagi eng yaxshi vaziyatni "Arsenal" yaratdi. Trossard tezda to'pni o'ziga to'g'rilab oldi va Gabriel Martinelliga uzatma berdi. Unda esa bo'sh hudud ko'p edi, ammo braziliyalik ochiq turgan sherigiga to'pni uzatish o'rniga o'zi darvoza tomon zarba berdi va imkoniyatni yo'qqa chiqardi.

 

Uchrashuv sariq kartochkalar bilan ham esda qoldi. Ushbu derbidan bir kun oldin bir o'yinda futbolchilarni ogohlantirish bo'yicha Premyer-liga rekordi o'rnatildi - "Chelsi" va "Bornmut" futbolchilariga 14 ta sariq kartochka ko'rsatildi. "Tottenhem" va "Arsenal" futbolchilari birinchi bo'limda yetti marta ogohlantirish oldi. Bunga Jurrien Timber va Guglielmo Vikario o'rtasidagi jang bilan boshlangan mushtlashuv ham sabab bo'ldi. Biroq, ikkinchi bo‘limda faqat Jorginyo ogohlantirish oldi. Yangi rekord esa o'rnatilmadi.

 

Bir soat davomida "Tottenhem" nafaqat faollik ko'rsatdi, balki bir qator xavfli vaziyatlarni yaratishga ham muvaffaq bo'ldi. Biroq, “Arsenal” baribir o'z maqsadiga erishdi, jamoaga burchak to'pi yordam berdi. Bukayo Saka tomonidan oshirilgan uzatmadan so'ng, Gabriel Magalhaes boshi bilan darvozani ishg'ol qildi. Darvozabonning bunday zarbani bartaraf etish imkoniyati yo'q edi. Bu himoyachi uchun Angliya chempionatidagi 15-gol bo'ldi.

 

"Tottenhem" gol o'tkazib yuborganidan keyin ham tashabbusga ega bo'lishda davom etdi, ammo "Arsenal" o'z jarima maydonchasida ishonchli tarzda himoyalandi. Ushbu g‘alabadan keyin “Arsenal” ikkinchi o‘ringa ko‘tarilib oldi. “Tottenhem” to‘rt turdan keyin to‘rt ochko bilan 13-o‘rinda qolmoqda.