Toshkentdagi ko‘p qavatli uy oldida janjal yuz berdi
Holat yuzasidan shahar IIBB rasmiy munosabat bildirdi.
Ijtimoiy tarmoqlarda Toshkent shahrining Sergeli tumanidagi ko‘p qavatli uy oldida 32 yoshli erkak 13 yoshli bolani urgani aytilgan video tarqaldi.
Rasmiy xabarga ko‘ra, 16 sentyabr kuni Sergeli tumani 5-mavze hududida 1992 yilda tug‘ilgan M.I. o‘zaro kelishmovchilik oqibatida 16 yoshli T.T.ni bir necha marotaba urgan. Bunga sinfdoshlar — M.I.ning qizi va T.T.ni ukasi o‘rtasidagi nizo sabab bo‘lgan.
Birlamchi tibbiy maʼlumotga ko‘ra, voyaga yetmagan T.T.ga “Chap ko‘krak qafasi yumshoq to‘qimalarining lat yeyishi” tashxisi qo‘yilgan.
Mazkur holat yuzasidan Sergeli tumani IIO FMB tomonidan tergovga qadar tekshiruv o‘tkazilmoqda.
