Boysundagi avariyada 4 kishi halok bo‘lgan
Prezident matbuot kotibi bu bo‘yicha maʼlumot berdi.
Surxondaryo viloyatining Boysun tumanidagi gaz konida sodir bo‘lgan yangi avariya oqibatida 4 kishi halok bo‘lgan. Bu haqidagi maʼlumotni “Gazeta.uz”ga Prezident matbuot kotibi Sherzod Asadov tasdiqlagan.
Nashrning manbaga tayanib yozishicha, halok bo‘lganlar konda ishlagan pudratchi tashkilot xodimlari bo‘lgan.
Shuningdek, Prezident Shavkat Mirziyoyevga hodisa sodir bo‘lishi bilanoq xabar berilgani va real vaqt rejimida vaziyat haqida maʼlumot taqdim qilinayotgani aytilgan.
Hodisa sodir bo‘lgan joyga masʼul vazirlik va tashkilotlar rahbarlari yetib borgan. Mahalliy tuzilmalarga avariya oqibatlarini bartaraf etishda yordam berish uchun xorijiy mutaxassislar jalb qilingan.
