Surxondaryoda “prava”si yo‘q haydovchilar avariyaga uchradi
Oqibatda 3 nafar yo‘lovchi halok bo‘lgan.
Surxondaryo viloyati Sariosiyo tumanida o‘lim bilan bog‘liq yo‘l-transport hodisasi sodir bo‘ldi.
Kecha, 17 sentyabr kuni soat 03:15 atrofida 2004 yilda tug‘ilgan fuqaro Nexia-2 avtomashinasini Denov-Sariosiyo yo‘nalishi bo‘ylab boshqarib kelib, qarama-qarshi bo‘lakdan harakatlanib kelayotgan VAZ-2107 avtomashinasi bilan to‘qnashib ketgan. Haydovchilarning ikkalasida ham haydovchilik guvohnomasi bo‘lmagan.
Ushbu YTH natijasida VAZ-2107 avtomashinasi salonida bo‘lgan 3 nafar yo‘lovchi (haydovchining sinfdoshlari) vafot etib, ikkala avtomashina salonida bo‘lgan qolgan yo‘lovchilar tan jarohati olib tuman Tibbiyot birlashmasiga yotqizilgan.
Hozirda mazkur holat yuzasidan Sariosiyo tuman IIB Tergov guruhi tomonidan jinoyat ishi qo‘zg‘atilib, tergov harakatlari olib borilmoqda.
