Jozep Borrel Livandagi hujumlarni qoraladi
17 sentyabr kuni Livanda “Hizbulloh” harakati aʼzolariga tegishli minglab peyjerlar portlatilgandi.
Yevropa diplomatiyasi rahbari bu hujumlar ortida kim turganidan qatʼi nazar, voqealarni mustaqil tergov qilishga chaqirdi.
"Talofatlar va ko‘p sonli tinch aholining jarohatlanishiga olib kelgan bu hujumlarning uyushtirilishini qabul qilish mumkin emas. Bunday harakatlar Livanda terroristik harakatlarning kuchayishiga olib keladi", — deya taʼkidladi Borrel.
17 sentyabr kuni Livanda “Hizbulloh” harakati aʼzolariga tegishli minglab peyjerlar portladi. Ertasi kuni “Hizbulloh” aʼzolarining ratsiyalari portlagani xabar qilindi. Livan Sog‘liqni saqlash vazirligi maʼlumotlariga ko‘ra, ikkala hujum natijasida kamida 32 kishi, jumladan, ikki bola halok bo‘lgan, 3450 dan ortiq kishi jarohatlangan.
Reuters manbasining taʼkidlashicha, Isroil razvedkasi peyjerlarga "ishlab chiqarish vaqtida" portlovchi moddalar o‘rnatgan.
