“Barselona” Chempionlar ligasini mag‘lubiyat bilan boshladi

 

La Ligadagi ketma-ket beshta g'alabadan so'ng, muxlislar oldingi "Barsa" yana qaytgani haqida gapirishni boshlashgandi. Ularning aytishlaricha, “Real” va “Atletiko” yangi kelgan futbolchilari bilan band bo'lib qolgan bir paytda, Xansi Flik jamoasi bundan unumli foydalanib chempionlikni qo'lga kiritishi mumkin. “Barselona” mavsumni shu qadar omadli boshladiki, jamoaning barcha muammolari birdaniga hal bo'lgandek tuyuldi. Flik "Barsa"ga kuch va ustunlik tuyg'usini qaytarganiga ko'pchilik ishonishdi.

 

 

"Barselona"ning "Manako" bilan o'yinini baholash qiyin. Ter Shtegen ikkitadan ko'p gol o'tkazib yuborishi mumkin edi. Kataloniyaliklar 10-daqiqadan boshlab bir kishi kam bo'lib o'ynashdi. Agar bu holat sodir bo'lmaganida "Barsa"ga baho berish osonroq bo'lardi. Har holda, "Monako" mavsum boshidan beri "Barselona"ni himoyada o'ynashga majbur qilgan birinchi jamoa bo'ldi. Va bu birinchi daqiqalardanoq boshlandi. "Barsa"ning markazdagi ustunligi yo'qqa chiqarildi. Shuningdek, ispanlarning himoya chizig'ida bir qator muammolar borligi ma'lum bo'ldi. Agar Garsiya maydondan chetlatilmaganida, "Monako" o'zini bu qadar qulay his qilmagan bo'lardi. Biroq, Erik maydonda bo'lganida ham, "Barselona"da muammolar bo'lishi mumkin edi.

 

 

Flikning jamoasi maftunkor, lekin juda qo'pol. Uzoq muddatli chempionatda muvaffaqiyat qozonish uchun jamoani yanada mustahkamlash kerak. "Barselona" "Monako"dan muhim saboq oldi. Unga hamma narsa oson bo'lmasligi ko'rsatildi. "Monako" bilan o'yin Chempionlar ligasidagi 1-tur bahsi edi, hali ortiqcha baholashning hojati yo'q. "Barsa" albatta o'z ochkolarini oladi va pley-offga chiqadi. Shunday bo'lsa-da, "Monako"ga qarshi o'yin "Barselona"ni oldinda bo'ladigan katta o'yinlar uchun tayyorgarlik vazifasini o'tab berdi. "Monako" chempionatdagi beshta g'alabadan so'ng "Barselona"ni tinchlantirdi va yanada kuchliroq tayyorgarlik olib borish kerakligini ko'rsatdi.