"Bu ish unga og‘irlik qiladi"
Luis Enrike Mbappening eng katta kamchiligini ma'lum qildi.
"PSJ" bosh murabbiyi Luis Enrike yozda “Real”ga o‘tib ketgan Kilian Mbappening o‘yinida ayrim kamchiliklar borligini aytdi.
"Mbappe hech qachon himoyalanmaydi. Bu ish unga og‘irlik qiladi. Lekin u mavsum davomida kamida 25 ta gol uradi, 15 ta golli pas uzatadi. Shunday ekan, o‘yin tizimini uning imkoniyatlariga moslashtirish kerak", - dedi Luis Enrike.
25 yoshli fransiyalik hujumchi 2023-2024 yillar davomida ispaniyalik mutaxassis qo‘l ostida to‘p tepgan va Fransiya chempionligini qo'lga kiritgan.
