Toshkent aeroportida kuchli taʼsir qiluvchi dorilar to‘xtatib qolindi
Hozirda holat yuzasidan bojxona organlari tomonidan jinoyat ishi qo‘zg‘atildi.
Toshkent xalqaro aeroportida bojxona xodimlari yo‘lovchilardan biri kuchli taʼsir qiluvchi dori vositalarini olib kirishga uringan vaqtida to‘xtatib qolishdi. Ushbu shaxsga tegishli sumka belgilangan tartibda ko‘zdan kechirilganda, uning ichida 200 dona “Neurica NT” nomli dori borligi aniqlandi.
Markaziy bojxona laboratoriyasi tomonidan o‘tkazilgan ekspertizaga ko‘ra, mazkur dori vositalarining tarkibida “Pregabalin” kuchli taʼsir qiluvchi moddasi borligi maʼlum bo‘ldi. Amaldagi tartiblarga ko‘ra, “Pregabalin” muomalasi cheklangan kuchli taʼsir qiluvchi moddalar ro‘yxatiga kiritilgan.
Hozirda holat yuzasidan bojxona organlari tomonidan jinoyat ishi qo‘zg‘atildi.
