Toshkentda Tez yordam mashinasi nosoz holda harakatlandi
SSV Ijtimoiy tarmoqda tarqalgan videoga izoh berdi.
Ijtimoiy tarmoqlarda tez tibbiy yordam avtomashinasi nosoz holda harakatlanib ketayotgani aks etgan videolavha tarqaldi. Holat yuzasidan Sog‘liqni saqlash vazirligi rasmiy munosabat bildirdi.
Aniqlanishicha, joriy yilning 23 sentyabr kuni soat 05:21 da poytaxtning Do‘mbirobod va Farhod ko‘chalari chorrahasida harakatlanib ketayotgan “FORD” rusumli tez tibbiy yordam avtomashinasining amortizatsiya tizimida nosozlik yuzaga kelgan.
Bu paytda avtomashina tezligi soatiga 40 km atrofida bo‘lib, uning ichida faqatgina haydovchi bo‘lgan.
Shundan so‘ng avtoulov darhol Respublika tez tibbiy yordam markazi Toshkent shahar filiali avtokorxonasiga olib kelinib, nosozlik to‘liq bartaraf etilgan. Hozirda ushbu avtomashina soz holatda faoliyat ko‘rsatmoqda.
