Yuqori Chirchiqda Cobalt maktab o‘quvchisini urib yubordi
Holat yuzasidan rasmiy munosabat bildirildi.
Holat bugun, 30 sentyabr kuni soat 07:45 larda Yuqori Chirchiq tumani hududidan o‘tgan yo‘lda sodir bo‘lgan. 1998 yilda tug‘ilgan M.N. Cobalt rusumli transport vositasida harakatlanib ketayotib, yo‘lning o‘ng tomonidan chap tomoniga o‘tayotgan o‘quvchisini urib yuborgan.
Oqibatda piyodaga markaziy shifoxonada birinchi yordam ko‘rsatilgan. Hozirda piyoda ahvoli yaxshiligi sababli shifoxonadan ruxsat berilgan.
Hozirda holat yuzasidan Yuqori Chirchiq tumani IIB Yo‘l harakati xavfsizligi bo‘limi tomonidan surishtiruv ishlari olib borilmoqda.
