Axsikentda qadimiy yerosti yo‘llari topildi
Ular so‘nggi 50 yildagi eng nodir topilmalar ekani aytilmoqda.
Qayd etilishicha, arxeologlar transheya qazish jarayonida kengligi 2,3 metrlik zinapoyaga duch keldilar. Yer tubi tomon to‘rt metr qazilganda sirli yo‘lakning bus-butun arkalariga duch kelindi. Bu yerdan 10 ming kubometr tuproq chiqarilgach, yo‘lakning 12 pog‘onasi ochildi.
Aynan shu nuqtadan yetti metr sharqda qadimshunoslar yana ikkita noyob yerosti yo‘llariga duch keldi. Taxminlarga ko‘ra, har ikki arkasimon yo‘lak, dastlabki topilgan katta yo‘lga bog‘lanadi.
Qiziqarli tomoni barcha yo‘laklar butun, arksimon holda, metro uslubida nafislik bilan pishiq g‘ishtdan bunyod etilgan.
Hozirda italyancha deya taʼriflangan rakovina, yerosti, pol osti isitish tizimi, nafis sopol quvurlari bilan butun holatda topilgan qo‘l yuvish vositalari ham aynan shu obyektdan 2024 yilgi qazuvlar jarayonida topildi.
