“Kreativ iqtisodiyot to‘g‘risida”gi qonun qabul qilindi
Bu haqida Adliya vazirligi xabar berdi.
Unga ko‘ra, kreativ iqtisodiyotni qo‘llab-quvvatlash, rivojlantirish va ushbu sohadagi munosabatlarni tartibga solish Qonunning maqsadi hisoblanadi.
Kreativ industriya sohalaridagi faoliyat yo‘nalishlari quyidagilarni o‘z ichiga oladi, jumladan:
➖adabiy ijodni;
➖amaliy sanʼat va hunarmandchilikni;
➖arxitektura, loyihalashtirish va urbanistikani;
➖audiovizual sanʼatni;
➖ijrochilik sanʼatini;
➖konsert-tomosha faoliyatini va ommaviy-madaniy tadbirlarni tashkil etishni;
➖raqamli texnologiyalar sohasidagi ijodiy faoliyatni.
Kreativ industriya sohalarida fuqarolarning o‘z ijodiy va intellektual salohiyatini namoyon etishi uchun zarur shart-sharoitlar yaratish kreativ iqtisodiyot sohasidagi davlat siyosatining asosiy yo‘nalishlaridan biri hisoblanadi.
Vazirlar Mahkamasi kreativ iqtisodiyot sohasida yagona davlat siyosatini amalga oshirilishini taʼminlaydi.
Kreativ iqtisodiyotni rivojlantirish bo‘yicha respublika kengashi kreativ industriya sohalarini rivojlantirish bo‘yicha jamoatchilik asosida faoliyat olib boradigan maslahat organidir.
Qonun rasmiy eʼlon qilingan kundan eʼtiboran kuchga kiradi.
