Energetika vazirligiga murojaat qilganlarning 31 tasi quyosh paneli o‘rnatishga majburlangan
Ushbu vaziyatdan kelib chiqib vazirlik quyosh panellari bo‘yicha murojaatlarni qabul qiladigan telefon raqamlari sonini oshirdi.
Bildirilishicha, 7 oktyabr kunning ikkinchi qismidan boshlab, vazir qabulxonasining +998712311441 raqamiga 8 oktyabr soat 20:30 ga qadar vazirlik qabulxonasiga jami 1232 ta qo‘ng‘iroq bo‘lgan.
Ularning 131 tasiga javob berilgan. Shundan 31 ta qo‘ng‘iroq quyosh paneli o‘rnatishga majburlanayotganini aytgan fuqarolardan tushgan bo‘lib, ularning 14 tasi bu hodisa bir necha kun avval bo‘lganini bildirgan.
Ularning 6 nafari Energetika vazirligining “Quyosh paneliga majburlash yo‘q” nomli materialini asos qilib, bugungi kunda elektr energiyasini yoqtirib olishganini maʼlum qilgan, 8 nafar murojaatchi esa quyosh paneli qo‘yganini, bugungi kunda elektr energiyasi mavjudligini, ammo bunga majburlanganidan noroziligini aytgan.
17 ta qo‘ng‘iroq egasi bugungi kunda bu borada real muammoga ega ekanini maʼlum qilgan. Vazirlik ushbu murojaatlarni o‘rganib, quyosh paneli o‘rnatmagani uchun elektr energiyasidan uzib qo‘yilgan tadbirkorlarning elektr energiyasini ulatgan.
Ikki kun mobaynida Toshkentning Sergeli, Yashnobod, Yunusobod hamda Bektemir tumanlari, Sirdaryoning Boyovut, Surxondaryoning Bandixon, Farg‘onaning Buvayda, Toshkent viloyatining Quyi Chirchiq tumanlaridagi bir qator tadbirkorlar elektr energiyasiga qayta ulandi.
Shu bois, vazirlik 9 oktyabrdan boshlab murojaatlar qo‘shimcha +99871-231-16-61 (ichki 7046, 7037 va 7057) raqamlari orqali ham qabul qilinishini bildirilgan.
