Nemislar Kamala Harris AQSH prezidenti bo‘lishini xohlamoqda
Bu bo‘yicha mamlakatda so‘rovnoma o‘tkazildi.
Deutschland Trend tomonidan o‘tkazilgan so‘rovnoma ishtirokchilarining aksariyati (78%) AQSHdagi saylovlarda mamlakatning hozirgi vitse-prezidenti g‘alaba qozonishiga umid qilmoqda. Faqatgina 8% ishtirokchilar uning raqibi respublikachi Donald Trampni afzal ko‘rishini bildirgan.
Germaniya aholisining barcha guruhlari vakillarining mutlaq ko‘pchiligi va barcha partiyalarning tarafdorlari Kamala Harrisning g‘alaba qozonishini xohlaydi. “Germaniya uchun muqobil” partiyasi aʼzolari orasida Tramp va Harrisni qo‘llab-quvvatlash darajasi deyarli teng.
Nemislarning AQSHga ishonchi Jo Bayden prezidentligi davrida sezilarli darajada oshdi. Germaniyalik saylovchilarning yarmidan ko‘pi (54%) Qo‘shma Shtatlarni o‘zlari ishonadigan hamkor deb biladi. Germaniya aholisining ishonch darajasi Fransiyaga (82%) nisbatan o‘ta yuqori, Rossiyaga (8%) nisbatan esa juda past.
