"Afrosiyob" poyezdi hech qachon foyda olmagani ma’lum qilindi
2023-yilda poyezd 238 milliard so‘m zarar ko‘rgan.
"O‘zbekiston temiryo‘llari" boshqaruv raisi Zufar Narzullayev "Afrosiyob" tezyurar poyezdi biror yil foyda bilan ishlamaganini ma’lum qildi. Uning ta'kidlashicha, 2023-yilda ushbu poyezd 238 milliard so‘m zarar ko‘rgan.
2025-yilning 1-yanvaridan boshlab, yuqori tezlikda harakatlanuvchi poyezdlar chiptalari talab va narxga qarab o‘zgartirish rejalashtirilgan. Oddiy poyezdlarning chipta narxlari esa Iqtisodiyot va moliya vazirligi bilan kelishilgan holda tartibga solinadi.
Yuqori tezlikda harakatlanuvchi poyezdlar chipta narxlarining bozor talablariga qarab o‘zgarishi yo‘lovchilar uchun yengillik yaratishi mumkin, ammo narxlar oshishi ehtimoli ham bo‘ladi. Bu transport tizimidagi raqobatni oshirishga xizmat qilishi mumkin.
