Toshkentda “Central Asia Retail Week” forumi o‘tkazilmoqda
Forum O‘zbekistondagi isteʼmol bozori imkoniyatlarini tahlil qilishga bag‘ishlangan.
16-17 oktyabr kunlari Toshkent shahrida “Central Asia Retail Week” xalqaro forumi o‘tkazilmoqda.
Forum mavzulari: isteʼmol bozorining imkoniyatlari, mintaqada Ecom rivojlanishining o‘ziga xos xususiyatlari va elektron tijorat rivojiga huquqiy jihatlarning taʼsiri.
Forum ishtirokchilari O‘zbekistonda chakana savdo o‘sishi ko‘rsatkichlarini alohida eʼtirof etildi.
NielsenIQ ijrochi direktori Konstantin Loktevning so‘zlariga ko‘ra, aholining yuqori zichligi, yuqori tug‘ilish ko‘rsatkichlari va mamlakatda chakana savdo obyektlarining ulushi ortib borayotgani chakana savdoni rivojlantirish uchun ajoyib imkoniyat hisoblanadi.
Tahlilchining taʼkidlashicha, O‘zbekistonda aholining oziq-ovqatga xarajatlari ulushi o‘rtacha ish haqining 48,4 foizini tashkil qiladi. Bolalar tovarlari toifasi savdo uchun eng foydali joy deb topilgan.
Mutaxassislar yaqin kelajakda aholi kommunal xizmatlar, ovqatlanish va o‘yin-kulgi uchun pulni tejashini taxmin qilmoqda.
