Surxondaryoda salkam 1,5 tonna ko‘mir talon-toroj qilindi
Hozirda holat yuzasidan jinoiy ish ochilgan.
O‘tkazilgan tezkor tadbirda fuqaro F.M. “Erkinlik” MFY hududidagi noturar binoda saqlab kelgan jami 5 000 qop ko‘mirni fuqaro A.A.ga 100 mln so‘mga sotishga kelishib, ushbu pullar hisobidan 5 000 AQSH dollarini olgan vaqtida ashyoviy dalillar bilan ushlangan.
“Ko‘mir taʼminot” MCHJning Uzun tumani ombori mudiri E.R. kuz-qish mavsumida tuman aholisi va tumandagi ijtimoiy soha obyektlarini isitish uchun olib kelingan umumiy bahosi 447,2 mln so‘m bo‘lgan jami 1 470 tonna ko‘mirni qimmat narxlarda boshqa shaxslarga sotib yuborib davlat va jamiyat manfaatlariga juda ko‘p miqdorda zarar yetkazgan. Xususan 2023 yilning sentyabr oyida ushlangan F.M.ga 180 tonna ko‘mirni 120 mln so‘mga sotganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
