Isroil aviatsiyasi Bayrut chekkasiga zarbalar berdi
Hodisa oqibatida bir kishi halok bo‘lgan.
Livan Milliy axborot agentligi maʼlumotlariga ko‘ra, Isroil Livan poytaxtining Hizbulloh harakati joylashgan janubiy chekkalariga kamida 17 marta zarba bergan. Livan matbuoti havo hujumini mojaro boshlanganidan beri kuzatilgan “eng shafqatsiz hujum” deb atadi.
OAV maʼlumotlariga ko‘ra, hujum xususan El-Leylaki hududiga qaratilgan bo‘lib, u yerda oltita bino, jumladan, turar-joy majmuasi vayron bo‘lgan. "Isroil havo hujumi oqibatida bir kishi halok bo‘ldi, besh kishi, jumladan, bir bola yaralandi", deya xabar berdi mamlakat sog‘liqni saqlash vazirligi.
