Dam olish kunlari O‘zbekistonda havo salqinlashadi

O‘zgidromet xabariga ko‘ra, 25 oktyabrda kunning ikkinchi yarmida Buxoro, Navoiy, Qashqadaryo, Surxondaryo viloyatlarida va kechga tomon Toshkent, Samarqand, Jizzax, Sirdaryo viloyatlarida yomg‘ir yog‘adi. Qolgan hududlarda yog‘ingarchilik kutilmaydi.

 

26 oktyabrda O‘zbekiston bo‘yicha kechasi va ertalab baʼzi joylarda yomg‘ir yog‘adi. Kunduzi yog‘ingarchilik kutilmaydi. Shimoliy hududlar bo‘yicha kunning ikkinchi yarmida baʼzi joylarda yomg‘ir yog‘adi. 

 

27 oktyabrda yog‘ingarchilik kutilmaydi, faqat Qoraqalpog‘iston Respublikasi, Xorazm viloyatida baʼzi joylarda yomg‘ir yog‘adi.

 

Havo harorati kunduzi 25 oktyabrda 18-23 daraja iliq, 26 oktyabrda 13-15 daraja iliq, 27 oktyabrda 17-19 daraja iliq atrofida bo‘ladi.

 

Shamol sharqdan 7-12 m/s tezlikda esadi, baʼzi joylarda 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin.

 

Respublikaning tog‘ oldi va tog‘li hududlarida vaqti-vaqti bilan yomg‘ir yog‘adi, ayrim joylarda yomg‘ir kuchli yog‘ishi mumkin, baland tog‘li hududlarda qorga aylanadi.

 

Poytaxtda bugun yog‘ingarchilik kutilmaydi, faqat kechqurun yomg‘ir yog‘adi. 26 oktyabrda kechasi va ertalab yomg‘ir yog‘adi, kunduzi yog‘ingarchilik kutilmaydi. 27 oktyabrda yog‘ingarchilik kutilmaydi. Shamol sharqdan 3-8 m/s tezlikda esadi. Harorat asosan kechalari 7-10 daraja iliq, kunduz kunlari 25 oktyabrda 21-23 daraja iliq, 26 oktyabrda 12-14 darada iliq, 27 oktyabrda 17-19 daraja iliq bo‘ladi.