Shimoliy Koreya Rossiyaga yana harbiylarini jo‘natmoqchi
Rossiyada 10 ming askar uchun joy ajratilgani aytilmoqda.
Shimoliy Koreya harbiylarining ikkinchi guruhi yaqin orada Rossiyaga yo‘l oladi. Bu haqida Janubiy Koreya razvedka xizmati xabar bermoqda.
Qayd etilishicha, maxsus jangchilaridan iborat birinchi guruh Rossiyaning uzoq sharqidagi hududga borib joylashgan. Bu hududda 10 mingga yaqin Shimoliy Koreya askarlarini joylashtirish doirasida tayyorgarlik ko‘rilmoqda.
Shuningdek, Rossiyaning Ukrainaga qarshi harbiy harakatlarini qo‘llab-quvvatlash uchun KXDR qurol-yarog‘ yetkazib berganligi haqida ayrim tafsilotlar keltirilgan.
Seul maʼlumotlariga ko‘ra, o‘tgan yilning avgust oyidan beri Pxenyan 8 millionga yaqin 122 mm va 152 mm snaryadlar, bundan tashqari, raketalar va tankka qarshi qurollarni yuborgan.
Janubiy Koreya dushanba kuni NATO rasmiylariga razvedka maʼlumotlarining to‘liq qismini taqdim etadi.
