Qashqadaryoda kelin-kuyov saylovda ovoz berdi
Ular nikoh uyiga borishdan oldin saylov uchastkasiga kelishgan.
Bugun nikoh to‘yini o‘tkazayotgan Og‘abek Jo‘rayev va Hulkaroy Normurodovaning Ko‘kdala tumanidagi Beglamish mahallasida joylashgan 765-saylov uchastkasiga tashrif buyurdi.
Ular nikoh uyiga borishdan oldin to‘y kortejida saylov uchastkasiga kelib, konstitutsion huquqlaridan foydalandi va o‘zlari munosib deb bilgan nomzodlarga ovoz berdi.
Shuningdek, kuni kecha nikoh to‘yini o‘tkazgan Davron Imomov va Surayyo Jovliyeva Dehqonobod tumanining Tog‘aytemir qishlog‘ida joylashgan 200-saylov uchastkasida bo‘lib, o‘z siyosiy irodalarini ifoda etdi.
