Maktablarda kuzgi taʼtil qachon boshlanishi aytildi
Bu bo‘yicha vazirlik maʼlumot berdi.
Maktab o‘quvchilari uchun chorakning so‘nggi kuni 2 noyabrga to‘g‘ri kelib, 4 noyabr kuzgi taʼtilning ilk kuni sanaladi. Taʼtil 6 kalendar kun, yaʼni 9 noyabrgacha davom etadi. II chorak esa 11 noyabrdan boshlanadi.
Vazirlar Mahkamasining 2017 yildagi 140-sonli qarori bilan tasdiqlangan Nizomga muvofiq, o‘quvchilar uchun taʼtil kunlari quyidagicha belgilangan:
-
kuzgi tatil - 4 noyabrdan boshlab 6 kalendar kun;
-
qishki taʼtil - 28 dekabrdan boshlab 14 kalendar kun;
-
bahorgi taʼtil - 21 martdan boshlab 7 kalendar kun;
-
yozgi taʼtil - oxirgi bosqichli nazorat sinovi o‘tkazilgan kundan (bosqichli nazorat o‘tkazilmaydigan sinflar uchun o‘quv yili tugagan kundan keyingi kundan) boshlab 1 sentyabrgacha
1-sinf o‘quvchilari uchun esa fevral oyi davomida qo‘shimcha bir haftalik taʼtil belgilanadi.
Maʼlumot uchun: Taʼtilning oxirgi kuni bayram (ishlanmaydigan) kunga to‘g‘ri kelib qolgan taqdirda, dars mashg‘ulotlari keyingi ish kunidan boshlab davom ettiriladi.
Bayram (ishlanmaydigan) kunlariga to‘g‘ri kelib qolgan dars mashg‘ulotlarining mavzulari o‘quv dasturlarini ixchamlashtirgan holda keyingi dars mashg‘ulotlarida o‘tkaziladi.
