Toshkentda ayolga shilqimlik qilgan yigit qamaldi
U ayolga nisbatan jamoat joyida tegajog‘lik qilgan.
Jizzax viloyatida tug‘ilgan 22 yoshli yigit M.I. jamoat joyida fuqaro Yu.M.ga shilqimlik qilgan. Natijada Yu.M. baqirganligi uchun u voqea joyidan qochib ketgan.
Aniqlanishicha, ushbu holat joriy yilning 3 oktyabr kuni Yunusobod tumani 15-mavzening kirish joyi oldida sodir bo‘lgan.
Holat yuzasidan sud ishi joriy yilning 25 oktyabr kuni JIB Yunusobod tuman sudi ochiq sud majlisida ko‘rib chiqildi.
Sudda M.I. o‘zining aybiga to‘liq iqrorligi va pushaymonda ekanligini bildirib, yengillik berishni so‘rab ko‘rsatma bergan.
Sud hukmiga ko‘ra, ayblanuvchi M.I. MJtKning 41-1-moddasi 1-qismida ko‘rsatilgan huquqbuzarlikni sodir etganlikda aybli deb topilib, unga nisbatan 5 sutka maʼmuriy qamoq jazosi tayinlandi.
