“Bu Madrid jamoasi uchun maʼnaviy mag‘lubiyat”
Jahon OAVlari “Oltin to‘p” natijalari haqida nimalarni yozishmoqda?
Bir necha kun oldin "Manchester Siti" futbolchisi Rodri "Oltin to'p"ni qo'lga kiritdi. Biroq, taqdirlash marosimida uning Madriddagi asosiy raqiblari ishtirok etmagani keng jamoatchilik tomonidan muhokama qilinmoqda. "Real Madrid" mavsumning eng yaxshi jamoasi, Anchelotti esa eng yaxshi murabbiy deb topilgan bo'lsada, klub a'zolari marosimda ishtirok etishdan bosh tortishgan. Bularning barchasi Vinisius Junior bilan bo'lgan voqealarga nisbatan bildirilgan e'tiroz edi. Bir oy davomida butun klub braziliyalik futbolchi "Oltin to'p"ni olishiga ishonch hosil qildi. Biroq, oxirgi lahzada parvozni bekor qilib, Parijga borishdan bosh tortishdi.
"L'Equipe": "Bu Madrid jamoasi uchun ma'naviy mag'lubiyat"
“Ajoyib uslubga ega Rodri 28 yoshida sayyoradagi eng yaxshi futbolchiga aylandi. Messi va Ronalduning qariyb yigirma yillik hukmronligidan so'ng, aynan ispaniyalik futbolchi sovrinni qabul qilib oldi. "Real" g'olibni oldindan bilmasligini tan olmadi. Mag'lubiyat haqidagi mish-mishlar orasida Parijga kelishdan bosh tortdi. Anchelotti va Mbappega sovrinni olishga ruxsat berilmadi. Dushanba kuni madridliklar "Barselona"dan mag'lub bo'lganidan keyin yana bir ma'naviy mag'lubiyatga uchradi. Klub sportning qadrini, ya'ni g'oliblarga bo'lgan hurmatni oyoq osti qildi. Kelajakda ular o'zlaridan buni talab qilishlari qiyin bo'ladi”.
"Atletik": "Real Madrid" sportning egasi emas"
"Real Madrid"ning bu yil Vinisius sovrinni qo'lga kirita olmagani haqidagi xabarga munosabati hurmat qilinadigan holat emas. Faqat eng g'alati muxlislar yarim himoyachi g'alaba mezonlariga javob bermaydi deb o'ylashadi. Albatta, to'g'risini aytaylik, Madrid jamoasi sayyoradagi eng katta klub. Va ular o'zlarini Yevropa qirollari deb e'lon qilganlarida, hech kim ular bilan bahslasha olmaydi. Ammo Madrid sportning egasi emas va eng nufuzli mukofotlarga doimiy da'volik qilolmaydi".
"O Globo": "G'olibni aniqlashda irqchilik ta'sir ko'rsatdi"
"Oltin to'p"ning Rodriga berilishi, Vini ajoyib o'yinlar ko'rsatishiga qaramay, bir qator oqibatlarga olib keldi. Jamoatchilikning bir qismi tanlovga irqiy omil ta'sir qilganini gapirishmoqda. Futbolchi atrofidagi ba'zi insonlar xuddi shunday fikrda. Uni qo'llab-quvvatlaydiganlar bilan birga, qarshilik ko'rsatadiganlar ham juda ko'p. Asosiy ovoz beruvchilar Yevropadan ekanligini inobatga olsak, bu yerda hech qanday adolatga o'rin qolmaydi”.
"Relevo": "Rodri 14 yil oldingi adolatni tiklashga yordam berdi"
"Rodri dushanba kuni “Manchester Siti” va Ispaniya terma jamoasidagi ajoyib o‘yinlari tufayli “Oltin to‘p”ning yangi sovrindori bo‘ldi. U Premyer-liga va Yevropa chempionligini qo'lga kiritdi, har ikkala unvonda ham asosiy o'yinchi bo'ldi. U asosiy favorit hisoblanayotgan Vinisius Juniorni mag'lub etdi. Rodri 1960-yilda Luis Suaresdan keyin "Oltin to'p"ni qo'lga kiritgan ikkinchi ispaniyalik futbolchiga aylandi. Ular orasida ko'plab nomzodlar bor edi. 23 yil avval Raul “Oltin to‘p”ga barmoqlari bilan tegib qo‘ygandi. Biroq, ko'plab dastlabki bashoratlardan farqli o'laroq, g'olib Maykl Ouen bo'lgan. 2010-yilgi Xavi va Iniestaning mag'lubiyati esa bundan ham yomonroq edi. 2010-yilda "France Football" va FIFA yilning eng yaxshi futbolchisi uchun mukofotni birlashtirishga qaror qilishdi. Aynan shu o'zgarish tufayli Messi "Oltin to'p"ni qo'lga kiritdi. Endi Rodri "Real"ning ikki futbolchisini mag'lub etdi. Qaysidir ma'noda, bu Rodri 14 yil o'tgach amalga oshirilgan o'zgarishdan keyingi adolatni tiklashga yordam bergandek tuyiladi ”.
