Istanbuldan Toshkentga kelayotgan samolyot favqulodda qo‘ndi
Samolyot bortida bo‘lgan yo‘lovchi o‘zini yomon his qilgan.
Bugun, 30-oktyabr kuni HY282 reysi bo‘yicha Istanbuldan Toshkentga uchayotgan samolyot bortida bo‘lgan yo‘lovchi o‘zini yomon his qilgani uchun samolyot komandiri Anqara xalqaro aeroportiga qo‘nishni so‘ragan.
Toshkent vaqti bilan 10:12 da samolyot muvaffaqiyatli ravishda Anqara shahridagi aeroportga qo‘ngan. Tibbiy xizmatlar yo‘lovchini reysdan tushirib, tibbiyot muassasasiga yetkazishgan.
Toshkent vaqti bilan 13:20 da samolyot Anqaradan Toshkentga uchib ketgan. Samolyot Toshkent xalqaro aeroportiga 16:10 da yetib kelishi kutilmoqda.
