Toshkentda yangi kirish darvozalari quriladi
Ularning eskizini yaratish bo‘yicha tanlov eʼlon qilindi.
31 oktyabrdan Tashkent Invest kompaniyasi Toshkentga to‘rtta kirish darvozasining eskiz konsepsiyasini ishlab chiqish bo‘yicha ochiq xalqaro tanlovni boshlaydi.
Tanlovda o‘zbekistonliklar ham, boshqa davlatlar fuqarolari ham ishtirok etishlari mumkin. Shuningdek, ijodiy jamoalarga qo‘shilish va o‘zbekistonlik professionallar ishtirok etadigan jamoalarni yaratish mumkin.
Qayd etilishicha, qurilish ishlarini joriy yilda boshlash rejalashtirilgan.
Tanlov quyidagi sanalarda o‘tkaziladi:
- 31 oktyabr - ariza topshirish boshlanishi;
- 7 noyabr - arizalarni qabul qilish tugallanadi;
- 11 noyabr - finalchilar eʼlon qilinadi;
- 30 noyabr - tanlov g‘olibi eʼlon qilinadi.
Tanlov YUNESKO tavsiyalariga muvofiq o‘tkaziladi va g‘oliblar quyidagi pul mukofotlari bilan taqdirlanadi:
- birinchi o‘rin - 100 mln so‘m;
- ikkinchi o‘rin - 50 mln so‘m;
- uchinchi o‘rin - 30 mln so‘m.
