Andijonda 4 kishi is gazidan zaharlanib vafot etdi
Yana 4 kishi shifoxonada ekani aytilmoqda.
Joriy yil 21 oktyabr kuni Andijon viloyati Jalaquduq tumani markazida yashovchi oilada gazdan zaharlanish sodir bo‘ldi.
Holat haqida 2 xil maʼlumot bor. Birinchisi uyga kelgan mehmonlar bilmasdan oshxonadagi metan gaz ballonini ochiq qoldirgan. Natijada tungi vaqtda uyga gaz to‘lgan va fojia sodir bo‘lgan. Ikkinchi variantda xonadondagi uzoq vaqt ishlamay turgan gaz trubalariga tungi vaqtda tabiiy gaz kelgan. Natijada xonadonda yashovchi erkak, uning o‘g‘li hamda ikki nafar mehmon (ayollar) gazdan zaharlanib vafot etgan. Xonadonda bo‘lgan yana 4 kishi kasalxonaga tushgan. Hozirda ularning sog‘ligi yaxshi.
Manbalarga ko‘ra, Jalaquduqdagi fojiada vafot etgan xonadon egasi tumandagi qishloqlardan birida imom xatib bo‘lgan.
