Ohangarondagi bog‘cha mudirasi o‘g‘irlik ustida qo‘lga tushdi
Holat yuzasidan Bosh prokuratura maʼlumot berdi.
Ijtimoiy tarmoqda Ohangarondagi bog‘chalardan birida bolalarga ajratilgan oziq-ovqat mahsulotlari mudir tomonidan o‘g‘irlab ketilayotgani aytilgan xabarlar tarqaldi.
Holatga Bosh prokuratura matbuot xizmati munosabat bildirdi.
Ohangarondagi holat yuzasidan DMTT direktoriga nisbatan Maʼmuriy javobgarlik to‘g‘risidagi kodeksining tegishli moddalari bilan maʼmuriy huquqbuzarlikka oid ish qo‘zg‘atilib, to‘plangan hujjatlar ko‘rib chiqish uchun sudga yuborilgan.
Bundan tashqari, prokuratura tomonidan mutaxassislar ishtirokida DMTTning foliyati tekshirilmoqda.
