Metroning “Choshtepa” bekatida poyezd buzilib qoldi
Bu kamida 4 ta tarkibning bir bekatda to‘planib qolishiga sabab bo‘lgan.
Poyezdning bekatda to‘xtab qolishi ushbu bekatga kirib kelayotgan boshqa tarkiblarning ham navbat kutib, to‘planib qolishiga sabab bo‘lgan. Holat metroning “Olmazor-Choshtepa” bekatlari oralig‘ida yuz bergan.
Shuningdek, ushbu holat qarama qarshi yo‘nalishdagi qatnovda poyezdlarning 20 minutgacha kechikishiga, bekatlarda odamlar to‘planib qolishiga sabab bo‘lgan. Buning oqibatida tirbandlik kuzatilgan, odamlar baqir-chaqir qilishgan.
Keyingi vaqtlarda Toshkent metrosida pozedning buzilib qolish holatlari ko‘p sodir bo‘lmoqda. Oldinroq “Kosmonavtlar” bekatidan harakatlanishi kerak bo‘lgan poyezdda texnik nosozlik yuzaga kelib, u joyidan harakatlanmay qolandi. Buning natijasida liniyaning “Beruniy” bekatida yo‘lovchilar to‘planib, yirik tirbandlik yuzaga kelgan.
