“Trampning g‘alabasi Ukrainadagi urushning tugashini anglatadi”
The Spectator shunday sarlavha ostida maqola eʼlon qildi.
“Donald Trampning saylovlardagi g‘alabasi Ukrainadagi urushning tugashidan darak beradi va, ehtimol, Vladimir Putinga qonli mojaroning deyarli uch yili davomida bosib olgan hududlarning katta qismini, balki butun hududni nazorat qilishni qoldiradi. Ko‘plab ukrainaliklar uchun bunday yakun ularning kurashiga xiyonat, G‘arbning orqadan urgan zarbasi bo‘lib, o‘nlab yillar davomida g‘azab va norozilik urug‘ini sochadi. Biroq boshqalar uchun ko‘proq yerlar yo‘qotilmasdan va o‘n minglab ukrainalik yoshlar halok bo‘lmasdan oldin mojaroning tez tugashi, mamlakat infratuzilmasi, iqtisodiyoti va butun bir avlod butunlay yo‘q qilinishidan oldin, o‘z vatani uchun munosib kelajakni saqlab qolishning eng yaxshi umidi hisoblanadi” – deyiladi maqolada.
Maqolada Zelenskiyning sobiq jamoasidagi nomsiz arbobning so‘zlari ham keltirilgan.
“Hozirgi bosqichda biz g‘alaba haqida emas, omon qolish haqida gapiryapmiz. Ukrainaning yo‘qotgan hududlarini qaytarib olish amaliy imkoniyati noldan ham past” – dedi u.
