Toshkentda MMA bo‘yicha jahon chempionati boshlandi
“Humo arena”da uning ochilish marosimi bo‘lib o‘tdi.
Toshkent shahrida o‘tayotgan aralash jang sanʼati (MMA) turlari bo‘yicha jahon chempionatining ochilish marosimi bo‘lib o‘tdi.
“Humo arena”da tashkil etilgan tantanali tadbirda Xalqaro aralash jang sanʼati federatsiyasi (IMMAF), O‘zbekiston Respublikasi Mudofaa vazirligi, Sport vazirligi va Milliy Olimpiya qo‘mitasi rahbariyati ishtirok etdi.
Marosimda so‘z olgan rasmiylar mamlakatimiz ilk bor mezbonlik qilgan ushbu musobaqa yuqori saviyada tashkil etilayotgani, bellashuvlar yangi nomlarni kashf etib berayotgani, bir qator jihatlar bo‘yicha tarixiy jahon chempionatiga aylangani haqida to‘xtalib, oldinda turgan finallarda barcha jangchilarga omad tilashdi.
.webp)
Tadbirning badiiy qismidan so‘ng kechki dasturdan o‘rin olgan finallar boshlandi. Eslatib o‘tamiz, bugun O‘zbekiston terma jamoasining 4 nafar aʼzosi jahon chempionligi uchun bellashadi.
