Tramp Ukraina va Isroil bo‘yicha siyosatni shakllantirishni boshladi
U bundan oldin Ukrainadagi urushni to‘xtatishga vaʼda bergandi.
AQSHning saylangan prezidenti Donald Tramp lavozimiga kirishiga ikki oydan ortiq vaqt qolishiga qaramasdan, mamlakat uchun muhim yo‘nalishlar – Ukraina va Isroil bo‘yicha siyosatni shakllantirishni boshladi.
Agentlikning xabar berishicha, Amerika siyosatidagi eng keskin o‘zgarish Ukrainada seziladi, Kiyev muzokaralarning muqarrarligini tushuna boshlaydi. Tramp saylovoldi kampaniyasi davomida bir necha bor lavozimga kirishidan oldin Rossiya va Ukraina o‘rtasidagi mojaroni hal qilishni vaʼda bergan.
"Isroil Tramp prezidentligidan eng ko‘p naf ko‘radi. Bosh vazir Binyamin Netanyahu Trampning uzoq yillik ittifoqchisi, Bayden bilan esa munosabatlari keskinlashgan. Chunki AQSHning amaldagi maʼmuriyati G‘azo sektoridagi janglarni to‘xtatishga chaqirgan. Tramp allaqachon Isroilga, ayniqsa Tehron o‘z yadro doktrinasini o‘zgartirmoqchi bo‘lsa, Eronga nisbatan ehtimoliy zarbalar tayyorlashda ko‘proq harakat erkinligi berishini maʼlum qilgan", deb yozadi Bloomberg.
