Chirchiqda ikkita Matiz ishtirokida noodatiy YTH yuz berdi
Holat yuzasidan rasmiy munosabat bildirildi.
Bugun, 14-noyabr kuni soat 08:00 atrofida Toshkent viloyati Chirchiq shahar Alisher Navoiy ko‘chasida yo‘l-transport hodisasi yuz berdi. Holatni Toshkent viloyati IIBB YHXB Axborot xizmati rasmiy munosabat bildirdi.
Maʼlum qilinishicha, 1989 yilda tug‘ilgan Q.B va 1990 yilda tug‘ilgan X.M. ikkalasi ham “Matiz" rusumli transport vositalarida Chirchiq-Toshkent yo‘nalishida harakatlanib kelib, bir- biriga urilgan.
"Ushbu YTH oqibatida hech qaysi harakat ishtirokchilarining sog‘lig‘iga ziyon yetmagan",- deyiladi xabarda.
Hozirda mazkur holat yuzasidan Chirchiq shahar IIB YHXB tomonidan surishtiruv ishlari olib borilmoqda.
