Yevropa Baydendan ketishdan oldin Ukrainaga yordamni oshirishni so‘radi
Shuningdek, Rossiyaga qarshi yangi sanksiyalarni joriy etishga chaqirdi.
Vashingtonning NATOdagi baʼzi ittifoqchilari ham Qo‘shma Shtatlarni Rossiyadagi harbiy nishonlarga zarba berish uchun G‘arb qurollaridan foydalanishga ruxsat berishga undamoqda. Hozircha Bayden maʼmuriyati bu so‘rovlarni qondirmadi.
Shu bilan birga, maqolada qayd etilishicha, AQSH Davlat kotibi Entoni Blinken 13 noyabr kuni "shoshilinch ravishda Bryusselga uyushtirilgan safar" orqali Yevropa Ittifoqi va NATO ittifoqdoshlarini Vashington Trampning inauguratsiyasi oldidan Ukrainaga maksimal darajada yordam ko‘rsatishga ulgurishiga ishontirish uchun qilgan.
Bloomberg maʼlumotlariga ko‘ra, gap 2024 yil boshida AQSH Kongressi tomonidan qabul qilingan 61 milliardlik paketdan pul, o‘q-dorilar va qurollar ajratish haqida ketmoqda.
Shu bilan birga, Qo‘shma Shtatlar noyabr oyi oxirigacha Rossiyaning soyadagi neft floti, shuningdek, Rossiya Federatsiyasiga harbiy xizmatchilar va qurollarni yuborgan Shimoliy Koreyaga qarshi yangi sanksiyalarni qabul qilishni rejalashtirmoqda.
