Xalqaro sud Netanyaxuni hibsga olishga order chiqardi
Order berish 2024-yilning may oyida Xalqaro jinoiy sud prokurori Karim Xon tomonidan so‘ralgan edi.
Xalqaro jinoiy sudi Isroil bosh vaziri Binyamin Netanyaxu va mamlakat mudofaa vaziri Yoav Galantni hibsga olishga order berdi. Bu haqIda Sud matbuot xizmati xabar bermoqda.
Sud Netanyaxu va Galantni 2023-yil 8-oktyabrdan 2024-yil 20-maygacha Gʻazo sektorida sodir etgan urush va insoniyatga qarshi jinoyatlarda ayblaydi.
Sudning ta’kidlashicha, hibsga olish orderlari odatda maxfiy deb tasniflanadi, ammo bu holatda batafsil ma’lumotni oshkor qilishga qaror qildi. Chunki orderda aytilganlarga o‘xshash xatti-harakatlar davom etayotganga o‘xshaydi. Bundan tashqari, ICC Sudgacha bo‘lgan palatasi nashr jabrlanuvchilar va ularning oilalari manfaatlariga mos kelishini aniqladi.
Shuningdek, XAMAS harbiy qanoti qo‘mondoni Muhammad Deifni ham hibsga olishga order berdi. Isroilda u 2023-yil 7-oktyabrdagi hujum tashkilotchilaridan biri sanaladi. Deif iyul oyida Gʻazo sektori janubidagi al-Mavasi lageriga Isroil havo hujumi natijasida halok bo‘lgan edi. 2024-yil 1-avgustda uning o‘limini tasdiqlandi.
Netanyaxu va Galantni hibsga olish uchun order berish 2024-yilning may oyida Xalqaro jinoiy sud prokurori Karim Xon tomonidan so‘ralgan edi. Shu bilan birga, u XAMASning uch yetakchisi – Yahyo Sinvar, Muhammad Deif va Ismoil Haniyani hibsga olish uchun order berishni ham so‘ragan. O‘shandan beri ularning barchasi o‘ldirilgan.
