Germaniyani chempion qilgan murabbiy "Paxtakor" murabbiyiga aylanadimi?
Murabbiyning Jahongir Ortiqxo‘jayev bilan tushgan surati ijtimoiy tarmoqlarda tarqalmoqda.
Ijtimoiy tarmoqlarda Toshkentning “Paxtakor” klubi egasi Jahongir Ortiqxo‘jayevning germaniyalik taniqli murabbiy Yoaxim Lyov bilan tushgan surati tarqaldi va bu holat nemis mutaxassisining Toshkent klubi ustoziga aylanishi mumkinligi haqidagi mish-mishlarni keltirib chiqardi.
2014-yilda Germaniya terma jamoasini jahon chempioniga aylantirgan 64 yoshli Lyov 2021-yildan beri ishsiz hisoblanadi. U faoliyati davomida Germaniya terma jamoasidan tashqari Avstriya va Turkiyaning bir nechta klublarini boshqargan. U Toshkent klubi murabbiyi bo‘lish-bo‘lmasligi haqida hozircha aniq ma’lumot yo‘q.
