Namanganda “JAK” rusumli mashina yonib ketdi
Holat yuzasidan FVB maʼlumot berdi.

Qayd etilishicha, hodisa 26 noyabr kuni soat 10:48 da Pop tumani Istiqlol mahallasi hududida yuz bergan. Unda xususiy firmaga qarashli “JAK” rusumli avtomobil butunlay yonib ketgan.
Favqulodda vaziyatlar bo‘limiga xabar kelib tushgan xabarga asosan soat 10:58 da yong‘in qutqaruv ekipaji yetib borib, soat 11:03 da yong‘in bartaraf etilgan.
Yong‘in natijasida avtomobil to‘liq, haydovchi va avtomobilga tegishli bo‘lgan hujjatlari yonib zararlangan. Yong‘inda fuqarolar kuyib tan jarohati olish holatlari kuzatilmagan.







